No punto 7 acórdase, por unanimidade de todos os grupos (INTA, 5 concelleiros; Grupo Nacionalista, 3 concelleiros; PP, 3 concelleiros; e PSOE, 2 concelleiros), o envío da remisión do contrato de xestión das piscinas e anexos ao Consello Consultivo de Galiza.
No devandito pleno o goberno municipal de Manuel Varela presentou como "cuestión de urxencia" a aprobación do expediente para levar a cabo a municipalización da piscina climatizada, exterior e anexos. O PP defendeu o proxecto presentado por INTA cáseque que con máis virulencia có goberno, aínda que coa mesma pobreza argumental. O Grupo Nacionalista conseguiu, co texto que a continuación reproducimos, que o goberno retirara ese proxecto para revisalo e modificalo entre todas as forzas políticas (acordo que logo incumpriu, como de costume).
Intervención de Ildefonso Piñeiro Díaz no pleno do día 9 de decembro no punto correspondente ás piscinas municipais
Dise, e asi o fixeron outros antes ca nós, que o
ser humano é o único animal capaz de tropezar dúas veces na mesma
pedra, dise, que podemos repetir erros até o infinito, só é coa nosa
capacidade de aprendizaxe, coa nosa intelixencia co que podemos facer
fronte a isto. A capacidade de rectificar, de asumir estes erros é o que
nos fai máis sabios.
En data 7
de xullo de 2011 acordouse a creación de catro comisións informativas ao
abeiro do establecido no artigo 20 da Lei 7/1985 de 2 de abril,
Reguladora das Bases do Réxime Local, sendo estas a Comisión Especial de
Contas; a de Facenda, Réxime Interior e Servizos, Servizos Sociais,
Igualdade e Sanidade; a de Urbanismo e Medio Ambiente, Vivenda,
Patrimonio, Medio Rural, Industria e, Comercio e a de Cultura,
Educación, Deportes, Xuventude, Turismo, Programación de Festas, Festas e
Eventos Promocionais.
En data seis de setembro de 2011 créanse ditas Comisións por Decreto da alcaldía.
1ª PEDRA:
Fagamos
memoria, cando o Grupo de Goberno decide sacar a concurso o servizo de
recollida do lixo, noméase unha comisión sen ter en conta os acordos
antes citados, é dicir, na mesa para o estudo de dita mudanza non figuraba
ningún membro dos grupos nacionalista nin socialista, esa decisión,
xunto con outras, foi o que fixo que ningún destes grupos apoiara o
cambio en dito servizo.
Hoxe, e aquí está a 2ª PEDRA, imos decidir
sobre a municipalización da piscina climatizada, descuberta e anexos,
volvendo a cometer o mesmo erro, é dicir, pasámonos polo arco do trunfo
os acordos plenarios. O día 2 de decembro, vostede, como alcalde asina
un decreto designando a unha serie de persoas coma membros da comisión
de estudo deste asunto (non os vou a nomear agora). Nesta, están coma
representantes, dous técnicos do concello, tres concelleiros do grupo de
goberno e un concelleiro dun grupo da oposición (do Partido Popular en
concreto) saltándose, unha vez máis, despistada ou conscientemente aos
outros dous grupos da Corporación. Así, non se pode pedir apoio neste
tema como nos propuxeron na Comisión Informativa que precedeu a este
Pleno. Se quere, búscase o consenso, mais débese traballar nel desde un
primeiro momento, ou sexa, hai que contar con todos desde o principio,
non desde que teñen todo arranxado, o outro é ninguneo. Podería ser un
xeito de impugnar os acordos posteriores.
Con todo analicemos o asunto.
No
informe de secretaria podemos ler, ver, de xeito claro e concienciudo,
como habería que facer este proceso, e chama atención que non se faga,
senón ao pé da letra, do xeito máis aproximado posíbel. A memoria
non deixa de ser un ¨panfleto de boas intencións¨ pero botamos de menos
un regulamento de como é que se vai a facer a xestión, vemos incluso con certo
¨estupor¨ como hai funcións que, segundo din, se poden compartir e que a
nós nos parecen incompatíbeis.
Vexamos uns exemplos... como un
monitor de natación, de musculatura pode facer funcións de
socorrista? Se está a dar clases de natación, podería compatibilizar,
pero que pasará cando estea dando musculatura, está fora da piscina? Non o
acabamos de ver. Igual pasa co técnico deportivo, duplicidade de funcións. Recepcionistas e auxiliares de mantemento que non achegan titulación, van facer as labores de mantemento así?
A pregunta é obvia, que vai pasar co persoal?
Como
saben, a sucesión pode ser de tres xeitos diferentes, legal,
convencional ou contractual, cada unha delas con aspectos diferentes que
habería que ter en conta.
Son moitas dúbidas que ao non estar
feito ese regulamento, é normal que non as podan definir. No caso que
fose unha sucesión legal, e, é algo que se di de xeito rotundo no
informe, para tomar unha decisión con respecto ao persoal, debe ser
determinada caso por caso, posto que se existen contratos de duración
determinada que se extinguen coa contrata, non deriva deles ningunha
obriga de transmisión, e se existen contratos parciais, manteranse nas
mesmas condicións, ou sexa, ¨se hace necesario el acceso a los
contratos del personal y a las condicionesde los mismos para poder
pronunciarse esta Secretaría con Seguridad Jurídica¨. Onde están?
Segundo se le no informe ¨la decisión deberá fundamentarse en una Memoria, con datos objetivos e indicadores de gestión´, é dicir, e sempre segundo o informe, ¨la
Comisión elaborará un proyecto de Reglamento que regule los aspectos
más relevantes en relación con la prestación del servicio¨. Onde están? Estes indicadores non os vemos por ningures.
No caso de que fose unha sucesión convencional, terían que ter en conta que "de acuerdo al convenio
colectivo, se definirán las circunstancias en las que se considera que
existe transmisión de los elementos necesarios y por sí mismos
suficientes para continuar la actividad empresarial”. Xa
que as obrigas derivadas do convenio colectivo non poden ser impostas á
Administración, que non participou nas negociacións e non é parte deses
acordos, e polo tanto non o obrigan nin poden ser invocadas para que a
Administración as aplique.
Incluso, e coidamos que habería que ter
en conta, non houbo acceso a informacións que deberían estar en
poder do Concello para poder tomar esta decisión. Que un grupo de
goberno poda obviar isto antóllasenos cando menos curioso…é dicir, debe determinarse o grao de xestión da empresa adxudicataria en
relación co inmoble, isto é, se o contrato de xestión de servizos
públicos na súa modalidade de concesión realmente cumpre os requisitos
que a xurisprudencia e a doutrina esixen para que poida considerarse como
tal, ou se o é unicamente de xeito nominativo. No informe podemos ler, ¨éste
extremo ha de ser tenido en cuenta por el Pleno ya que esta Secretaría
no ha tenido acceso a documentación que se refiera a cómo ha incidido
ese inmueble en la gestión del servicio¨.
Porén hai máis, hai un segundo informe que ao noso modo de ver tampouco se analizou en profundidade, o de intervención.
Nel
podemos ler que tanto os ingresos derivados da xestión como os gastos,
son novos e que polo tanto non se atopan regulados en orzamentos, é de
obrigado cumprimento facer ou ben un novo orzamento ou unha tramitación
dun crédito extraordinario ou suplemento de crédito, cando pensan facer
este trámite? Estase traballando no tema? Ou imos ter que confiar unha
vez máis na súa palabra, que por certo non está a moi boa altura. No
derradeiro pleno dixo, ao respeito das contratacións de monitores de
tempo libre e de limpeza, que non o ía facer máis e non pasou máis que
un mes para ver como se ampliaron contratos, unha vez máis por decreto e
a pesar do dito no pleno, ten que entender que non nos fiemos moito.
O
informe neste caso é moi claro, de non tramitarse a modificación
orzamentaria ou a non aprobación do orzamento implica que non existe
crédito para os gastos a efectuar polo que non se poderán adquirir eses
compromisos, incluso avisa da nulidade do proceso e de responsabilidades
que se podan derivar.
O Grupo Municipal Nacionalista reafirmase
no compromiso co público pero non así, un servizo público, a
municipalización dun servizo debe facerse dun xeito claro, cumprindo coa
norma e coas suxestións que se din nos informes, que para iso se fan,
para iso se traballa neles e para iso se piden, para facerlles caso, sen
deixar un só resquicio para a súa inpugnación, dun xeito
escrupulosamente nídio, doutro xeito o que se vai facer é unha chapuza.
Cando
unha administración pública desenvolve o labor para o que foi creada , a
de servizo , e no caso da administración local con mais rigorosidade aínda
pola súa proximidade coa cidadanía, o desenvolvemento de ditas funcións
deben estar garantidas pola legalidade dos procesos necesarios para
ofertar servizos de calidade. O financiamento, o persoal e o labor que
prestan debe estar no marco xurídico oportuno, pois os concellos non son
empresas privadas dos políticos de quenda, son institucións dos cidadáns,
para os cidadáns e sufragadas cos impostos directos e indirectos dos cidadán.
Nós ímoslle facer unha suxestión, a xeito de emenda á totalidade
deste proxecto. Devólvano ao inicio, fágase ben, empecemos de cero,
busquemos o xeito de levalo a cabo, busquemos ese consenso mais
cumprindo coa legalidade.
Sem comentários:
Enviar um comentário